做多半粒鐘

亞鍾, 兼職電話服務員, 做嘢有時會”盲忠忠”做左先至再考慮. 而家想找份文職長工幫補生計.

昨天速遞公司Supervisor同我講12月起, 每日做多半個小時有沒有問題, 打算賺多D錢既我, 當然無問題啦!雖然只係半小時.  點解做多半粒鐘?唔夠人手, 年尾難請人囉!
其實每日返三粒鐘係好快過, 聽下電話, 跟住出大場幫手, 再返去聽電話.沒多久就夠鐘放工.  但係下個月就預左比人鬧多半小時.
初時返工時講主要工作係聽電話落單.  但做左三幾個月之後, 公司生意增加, 客戶來電落單電話大增, 枱頭上電話好似壞左, 不停響, 趕不及收件/送件, 漏單, 送錯件, 每日都有發生, 收到客戶投訴亦隨之而上升.  客戶投訴話我地各上級反映, 公司除左要接生意之外, 亦要因客戶增多而要調整公司人手運作去配合業務發展需求.  但一般老板只著重控制成本, 來增加公司利潤, 增加人手?應該是他們最後的考慮.